معك سيارة؟
صير كابتن مع مشوار
اشتغل بوقتك، واستقبل طلبات الرّكاب القريبة منك، وتابع أرباحك من التطبيق. التسجيل كله من داخل تطبيق مشوار كابتن خلال دقائق.
كابتن بشروطك
اشتغل بوقتك
اضغط «متصل» متى ما بدك، وأوقف متى ما بدك. ما في ساعات إلزامية.
طلبات قريبة منك
يصلك الطلب من أقرب راكب، مع عدّاد قصير لتقبله أو ترفضه.
الأجرة إلك مباشرة
الراكب يدفعلك نقداً، أو يحوّل الأجرة على اسم CliQ تبعك.
ملاحة بلمسة
افتح الطريق في خرائط Google مباشرة إلى الراكب ثم إلى الوجهة.
أرباحك واضحة
شاشة أرباح تبين رحلاتك ودخلك أولاً بأول.
دعم مباشر
محادثة مع فريق مشوار من داخل التطبيق، كتابة أو برسالة صوتية.
شو بتحتاج للتسجيل؟
جهّز هالأشياء قبل ما تبدأ، والتسجيل بياخذ دقائق.
- رقم هاتف أردني (للتسجيل والتواصل معك)
- صورة واضحة لرخصة القيادة
- صورة واضحة لرخصة المركبة
- بيانات السيارة: الشركة، الطراز، سنة الصنع، اللون ورقم اللوحة
- هاتف أندرويد عليه تطبيق مشوار كابتن (نسخة الآيفون قريباً)
- اختياري: اسم CliQ المستعار لاستلام أجرة رحلات كليك
من التحميل للرحلة الأولى
حمّل تطبيق مشوار كابتن
من Google Play، وأنشئ حسابك بالبريد الإلكتروني ورقم هاتفك الأردني.
عبّي بياناتك وارفع المستندات
اسمك ورقم رخصتك وبيانات السيارة، مع صور رخصة القيادة ورخصة المركبة. ما بشوفها غير إدارة مشوار.
استنى الموافقة
بنراجع طلبك، والتطبيق بفتح تلقائياً أول ما ننوافق. إذا في شي ناقص بنحكيلك شو تعدّل.
اضغط «متصل» وابدأ
استقبل أول طلب، واتبع الطريق للراكب، وابدأ رحلتك.
عندك سؤال؟
هل التسجيل مجاني؟
نعم، التسجيل كابتن في مشوار مجاني بالكامل.
كيف بستلم أجرة الرحلة؟
الراكب يختار قبل الطلب: نقداً إلك مباشرة، أو تحويل عبر CliQ على اسمك المستعار اللي بتضيفه في التطبيق.
بقدر أسجّل برقم غير أردني؟
لا، الكباتن لازم يكون معهم رقم هاتف أردني.
مين بشوف صور مستنداتي؟
إدارة مشوار فقط، لمراجعة طلبك. ما بتظهر للرّكاب.
الطلب انرفض، شو بعمل؟
بيظهرلك سبب الرفض في التطبيق، وبتقدر تعدّل بياناتك وتعيد الإرسال من نفس الشاشة.
في تطبيق للآيفون؟
حالياً على Google Play، ونسخة الآيفون قريباً.
كيف بتواصل مع مشوار؟
من داخل تطبيق مشوار كابتن: «تواصل مع الدعم»، وبيوصلك ردّنا بإشعار.
جاهز تنطلق معنا؟
حمّل مشوار كابتن وسجّل خلال دقائق، وكن من أوائل كباتن مشوار.